Slender-billed Vulture
Gyps tenuirostris

IUCN Redlist ৰ মতে সমগ্ৰ বিশ্বত এই প্ৰজাতিৰ মাত্ৰ ৭৩০ ৰ পৰা ৮৭০ টা প্ৰাপ্তবয়স্ক শগুন জীয়াই আছে

অৱস্থিতি

এই শগুন প্ৰজাতিটো ভাৰতত গংগা উপত্যকাৰ সিপাৰে হিমাচল প্ৰদেশ আৰু হাৰিয়ানাৰ পৰা দক্ষিণ পশ্চিম বংগ (সম্ভৱতঃ উত্তৰ ওড়িশা)লৈকে আৰু পূব দিশত সমগ্ৰ অসমতে পোৱা যায়। দক্ষিণ নেপাল আৰু উত্তৰ-মধ্য বাংলাদেশতো দেখা যায়। এসময়ত ইয়াক সমগ্ৰ দক্ষিণ-পূব এছিয়াত পোৱা গৈছিল আৰু এতিয়া থাইলেণ্ড আৰু মালয়েছিয়াত বিলুপ্ত হৈছে, শেহতীয়াকৈ ইয়াক কেৱল কম্বোডিয়া, দক্ষিণ লাওছ আৰু ম্যানমাৰৰ পৰাহে পোৱা গৈছে।

ভাবুকি সমূহ

আই ইউ চি এনৰ দ্বাৰা ঘোৰ সংকটজনক (Critically Endangered) বুলি তালিকাভুক্ত কৰা লাহী ঠোঁটীয়া শগুনৰ জনসংখ্যা বিপৰ্যয়জনকভাৱে হ্ৰাস পাইছে। মাত্ৰ ৮০০ জনসংখ্যাৰ এই শগুন ভাৰতৰ ভিতৰতে আটাইতকৈ বিপন্ন শগুন। মূল ভাবুকি হৈছে পশু চিকিৎসাৰ ঔষধ ডাইক্ল’ফেনাক আৰু অন্যান্য এন এছ এ আই ডি (NSAID) যেনে এচিক্ল’ফেনাক আৰু কেট’প্ৰফেনৰ পৰা বিষক্ৰিয়া। যদি শগুনে এনে ঔষধেৰে চিকিৎসা কৰা পশুধনৰ মৃতদেহ খায় তেন্তে বৃক্ক বিকল হোৱাৰ বাবে ইহঁতৰ মৃত্যু হ’ব পাৰে। পশুধনৰ মৃতদেহৰ গৌণ বিষক্ৰিয়াৰ ফলতো এই প্ৰজাতিটোৰ মৃত্যুৰ আশংকা আছে। কেতিয়াবা মানুহে কুকুৰ আৰু অন্যান্য চিকাৰী প্ৰাণীক হত্যা কৰাৰ উদ্দেশ্যে পশুধনৰ মৃতদেহত বিষক্ৰিয়া কৰে আৰু যদি শগুনে এনে মৃতদেহ খায় তেন্তে খাদ্য বিষক্ৰিয়াৰ ফলত মৃত্যুমুখত পৰে। বাসস্থানৰ ক্ষতি, খাদ্যৰ উপলব্ধতা হ্ৰাস, বাহ সজা ঠাইত বিঘিনি, বিদ্যুৎস্পৃষ্ট, আৰু গছ কাটি যোৱা আদিয়ে ইয়াৰ হ্ৰাস আৰু অধিক বৃদ্ধি কৰে। এই প্ৰজাতিটোৰ পুনৰুজ্জীৱনৰ বাবে কঠোৰ সংৰক্ষণ ব্যৱস্থাৰ বহু প্ৰয়োজন। অধিক তথ্য।

আয়ুস

আদৰ্শ পৰিস্থিতিত ইহঁতৰ আয়ুস ৪০-৫০ বছৰৰ ভিতৰত; বন্য পৰিস্থিতিত পৃথক হ’ব পাৰে।

তামুলীয়া শগুন/ লাহী ঠোঁটীয়া শগুন